«Harbiy va siyosiy mag‘lubiyat». KXDR AQShga oid bayonot bilan chiqdi

KXDRning BMTdagi doimiy vakolatxonasi AQSh va uning ittifoqchilari Shimoliy Koreya bilan «siyosiy va harbiy qarama-qarshilikda» mag‘lub bo‘lishgani haqida ma'lum qildi. Bu haqda doimiy vakolatxona tomonidan tarqatilgan matbuot relizida aytiladi, deb xabar qilmoqda «Interfaks».

Bayonot AQSh va Yaponiya BMT Xavfsizlik Kengashida KXDRdagi inson huquqlari sohasidagi vaziyat bo‘yicha yig‘ilish o‘tkazish tashabbusi bilan chiqqani tufayli berildi. 

«Biz yig‘ilishini qat'iy qoralaymiz, u dushman kuchlarning chorasizlik akti bo‘lib, ular KXDR bilan siyosiy hamda harbiy qarama-qarshilikda mag‘lub bo‘lishdi, u yadro davlatlari darajasiga ochiq ko‘tarildi», - deya ma'lum qilishgan Shimoliy Koreyaning doimiy vakolatxonasidan.

Eslatib o‘tamiz, avvalroq Amerika razvedkasi 2006 yilda AQSh kongressini Pxenyan biologik qurolni maxfiy tarzda ishlab chiqish bilan shug‘ullanayotgani haqida ogohlantirgandi, ayni damda bu dastur eng yuqori pallaga chiqqani xabar berilgandi.