Keça — 11 dekabr kuni Yevropa Çempionlar Ligasining pley-off bosqiçiga qur'a taşlaş marosimi bölib ötgandi. Unga köra, çorak finali yölida töqnaşadigan 8ta juftlik nomi aniq böldi.
8ta bellaşuv ikki hafta davomida ötkaziladi. Dastlabki uçraşuvlar 13-14 fevral va 20-21 fevral kunlariga, javob uçraşuvlari 6-7 mart va 13-14 mart kunlariga belgilangan.
ŞAXTYoR - ROMA
Har ikki jamoa ham qur'a natijasidan rozi bölişlari tabiiy, sababi, bundan kuçliroq raqiblar röbaru kelişi ham mumkin edi. Uşbu juftlik ğolibi göyoki çorak finalda eng kuçsiz raqib bölişi mumkinligi taxmin qilinayotgan bölsa-da, bu jamoalarni mağlub etiş har qanday klubga oson bölmaydi.
«Şaxtyor» guruhda A Seriya peşqadamlaridan biri «Napoli»ni ortda qoldirganini hisobga olsak, «Roma» bu jihatga jiddiy e'tibor qaratişi lozim. Öz navbatida, rimliklar «Atletiko» va «Çelsi» kabi kuçli jamoalar qatnaşgan guruhda peşqadam bölgan.
Xullas, bu juftlik YeÇL durdonasi emas, ammo teng va keskin kuraş kerak bölsa, bu öyinlardan topişingizga kafolat bor.
Fakt: Jamoalar 2010/11 mavsumidagi 1/8 finalda ham raqib bölişgan. «Şaxtyor»ning Rimdagi (3:2) ğalabasidan söng, «Roma» boş murabbiyi Klaudio Raneri iste'foga çiqqan.
BeŞIKTOŞ - BAVARIYa
Nemislar guruhda ikkinçi örinni olib, pley-off oldidan özlarini xavfga qöygan bölişsa-da, omad kelganini aytiş mumkin. Aytiş mumkinki, guruh ğoliblari içida eng oson jamoa sifatida aynan turklar körsatilayotgandi.
Ammo bu faqat dastlabki xulosa. Birinçidan, «Beşiktoş» guruh bosqiçini bir maromda ötkazdi va oçko töplaş böyiça turk jamoalari uçun rekord körsatkiç qayd etdi. Ikkinçidan, sönggi ikki mavsumda milliy çempionatda ğolib çiqqan istanbulliklar uşbu mavsumda Turkiyada biroz beqaror, bu esa, ularga butun e'tiborni aynan YeÇL öyinlariga qaratiş imkonini beradi. Uçinçidan esa, turklarning Germaniyada deyarli mezbonlar kabi muxlislarning quvvatlaşlariga ega bölişlari sir emas.
Şuningdek, «Beşiktoş» guruh bosqiçida aynan nemis jamoasini har ikki öyinda mağlubiyatga uçratganini ham e'tirof etiş kerak.
Mavzuga oid
Nima bölgandayam, bu «Beşiktoş»ga yordam berişi mumkin bölgan jihatlar xolos, aslida, albatta, öyinning yaqqol favoriti Haynkess şogirdlari hisoblanadi.
Fakt: Ikki jamoa 1997 yil Çempionlar Ligasida bir guruhda töp surgan. Har ikki öyinda nemislar 2:0 hisobida ğolib çiqişgan.
ÇeLSI - BARSeLONA
Bu jamoalar YeÇL pley-offlarida olti marta röbaru kelişgan, musobaqada faqat «Real» va «Bavariya» bundan köproq töqnaşgan xolos. Ronaldinoning superzarbasidan keyin, Terrining hal qiluvçi goli, Del Ornoning qizil kartoçkasi, Evrebening qiliqlari, Torresning sönggi daqiqadagi qoçib ketişi - xullas futbolda qanday dramatizm belgilari bölsa, bu töqnaşuvdan topiş mumkin.
Aynan bugungi jamoalarga qarasak, ularning qaysi biri ispanroq ekanini ham aytiş muşkul - «Çelsi» tarkibida beş nafar ispaniyalik futbolçi töp suradi. Jumladan, ularning ikki nafari «Barselona» futbol maktabi tarbiyalanuvçilaridir.
Taktik jihatdan «Çelsi»ning Valverde jamoasiga eng noqulay raqiblardan biri deyiş mumkin. «Çelsi»ni ingliz jamoalari içida çiziqlar böyiça eng muvozanatli jamoa, deb aytsak böladi. Agar Kontening rejalari iş bersa, londonliklar tösiğini yorib ötiş bugungi «Barselona»ga oson bölmaydi. Buning uçun, masalan, Leo Messining vaziyatni öz qöliga olişi va individual harakatlari kerak böladi. Şunçaki, kuçli jamoaviy öyin yordamida bugungi «Çelsi»ni taslim etiş u qadar oson emas.
Fakt: Leo Messi «Çelsi»ga qarşi 8 öyinda maydonga tuşgan va biror marta ham gol ura olmagan. Uning londonliklar darvozasiga bergan 29 zarbasi besamar ketgan. Jumladan, 2012 yil yarim finalidagi penalti ham.
PORTU - LIVeRPUL
Bu jamoalar 10 yil oldin Yevropa Çempionlar Ligasi guruh bosqiçida töqnaş kelgandi. Portugaliyada durang natija qayd etilgan bölsa, Liverpulda mezbonlar yirik 4:1 hisobida ustun kelgan. Öşa mavsumda «Liverpul» finalgaça yetib borgandi.
Öz guruhlarida peşqadamlikni qölga kiritgan ingliz jamoalariga omad kulib boqqanini aytiş mumkin. «Portu» doimiy ravişda ingliz jamoalariga qiyinçilik tuğdirib kelgan, ammo agar «Liverpul» özining eng yaxşi sport formasini saqlab qolsa, bu juftlikda yaqqol favorit ekanini aytiş kerak. Albatta, buning uçun Yurgen Klopp yanvarda jamoa himoya çiziğini kuçaytirişi kerak böladi.
Fakt: «Portu» va «Liverpul» 2004 va 2005 yillarda Yevropa Çempionlar Ligasi ğoliblari.
SeVILYa - MANÇeSTeR YuNAYTeD
Ötgan mavsumda Mourino şogirdlari «Sevilya»ning qadrdon turniri bölgan Yevropa Ligasini yutib oldi. Bu safar esa, ulardan «Sevilya»ni YeÇLdan çiqarib yuboriş talab etiladi.
Bir qaraganda, mançesterliklarga omad kulib boqqandek körinsa-da, aslini olganda, ispan jamoalari «Mançester Yunayted» uçun u qadar qulay raqib emas. «MYu» ispan jamoalariga qarşi keçgan sönggi 10 öyindan atigi ikkitasini ğalaba bilan yakunlagan xolos. Töpni yaxşi nazorat qila oladigan va kuraşuvçan «Sevilya» Mourinoni himoyalanişga majbur qilişi mumkin. Yevropa Ligasi yarim finalida «Selta»ning «Old Trafford»da ğalaba qozonib ketişiga juda oz qolganini ham hali heç kim esdan çiqarmagan bölsa kerak.
Eng asosiysi «Sevilya» bu öyinlarda katta bosimsiz harakat qiladi, aksinça, içki çempionatda «qöşnilari»ni ança oldinga ötkazib yuborgan «Yunayted»ning yutqazişga haqi yöq. Şu tomondan «MYu»ga bemalol himoyalaniş va balki, yutqaziş ham u qadar oğriqli qabul qilinmaydigan biror top-jamoaning tuşişi yaxşiroqmidi, balkim...
Fakt: Ötgan YeÇL pley-offida ham «Sevilya»ga ingliz jamoasi raqib bölgandi. Ikki öyin natijasiga köra, «Lester»ning qöli baland kelgan.
YuVeNTUS - TOTTeNHEM
Nimçorakning yana bir qiziqarli juftliklaridan biri. Turin jamoasi aynan uşbu musobaqa uçun tajribaliroq körinsa-da, «Tottenhem»ning ayniqsa, «Real»ga qarşi öyinlari özlariga nisbatan fikrlarni özgartira oldi. Inglizlar har qanday raqibga qarşi hujumkor va pozitsion öynay olişlarini isbotlaşdi.
Faqat bir jihat inglizlarga xalaqit berişi mumkinki, bu haqida ançadan beri, murabbiylar, mutaxassislar gapirib kelmoqdalar. Fevral oyi Angliya Premer Ligasi jamoalari uçun juda noqulay davrdir. Sababi, ular dekabr-yanvar oylarida dam olişmaydi va hatto haftasiga ikki öyinli rejimda çempionat va kubok öyinlarida maydonga tuşişadi. Bu esa, «Tottenhem»ning jismoniy jihatdan raqibiga imkoniyatni boy berişiga olib kelişi mumkin.
Buning ustiga, londonliklar hozirda APLda oltinçi örinda bormoqda va u yerda ham özlarini bemalol his qila olmaydi. Ya'ni, ba'zi çempionat öyinlaridagi rotatsiyalar yordamida «Yuventus»ga qarşi öyinlarga yaxşiroq tayyorgarlik imkoniyati deyarli yöq.
Fakt: «Yuventus» ingliz jamoasiga qarşi ötkazgan sönggi 5 pley off töqnaşuvida imkoniyatni boy bergan.
BAZeL - MANÇeSTeR SITI
1/8 finaldagi juftliklar içida eng katta farqqa ega bölgan jamoalar. «Bazel»ning ingliz jamoalariga qarşi öyinlarini har qança maqtamaylik, bu öyinlar asosan guruh bosqiçida yoki Yevropa Ligasida bölganini ham unutmaslik kerak. «Mançester Siti» ötgan mavsumdagi «Monako»ni juda yaxşi eslaydi va bu safar raqib kim bölişidan qat'i nazar bu öyinlarga juda jiddiy yondaşişini taxmin qiliş mumkin.
Fakt: «Bazel» yevrokuboklarda ingliz jamoalariga qarşi keçgan 14 uçraşuvning faqat 4tasida mağlubiyatga uçragan xolos. 5 marotaba ğalaba qozongan.
ReAL - PSJ
«Barselona» va «Çelsi» muxlislari xafa bölmasin-u, öyin afişasi, maydonga tuşadigan qarama-qarşiliklar, sönggi yillardagi ambitsiyalar nuqtai nazaridan nimçorak finalning eng jarangdor qarama-qarşiligi aynan mana şu öyin bölsa kerak.
«PSJ» xuddi asr boşidagi «Real» kabi, Yevropa transfer bozorida juda agressiv harakat qilmoqda va yildan yilga eng yaxşi futbolçilarni yiğib olişga urinmoqda. Ammo tan oliş kerak, ularga qur'a omadli kelmadi. Ispaniya çempionatida «Barselona»ni ança oldinga ötkazib yuborgan «Real» baribir alohida öyinlarda juda kuçli jamoa sifatida qolaveradi. Parijliklar hujumdagi yulduzlar bilan maqtanişlari mumkin, ammo Çempionlar Ligasidagi tajriba, yulduzli yarim himoya va işonçli himoya yordamida «Real» bu öyinlarga favorit sifatida maydonga tuşadi.
«Real» ikki marta qatorasiga YeÇL ğolibi böldi. Kuçli raqiblarga qarşi öyinlarda bu fakt madridliklarning zarariga işlaşi, futbolçilarning uçinçi uriniş uçun jipslaşişlariga xalaqit berişi mumkindek. Ammo ularni mağlub etiş uçun aynan mana şu jihat - jipslaşiş juda zarur. «Real»ni faqat öşa «Real»da topilmay qolişi mumkin bölgan sifat bilan yengiş mumkin xolos. Xöş, Parij jamoasi aynan öşa bosqiçga yetib keldimi?
Jamoa tarkibidagi özgarişlar, Neymar-Kavani muammolari biroz unutilgan bölsa-da, butunlay hal etilmadi. Bugungi «PSJ» «Real» uçun tayyor emasdek körinmoqda, Unai Emeri keyingi ikki oyda faqat şu jihat haqida boş qotirişi va eng avvalo, içki muhitni yuqori darajaga kötarişi kerak böladi. Ana şundagina, futbol yulduzlari maydonda faqat şou emas, aniq natija körsata oladilar.
Fakt: «PSJ» yarim himoyaçisi Anxel Di Mariya «Real» tarkibida 2014 yilgi YeÇL finalining eng yaxşi futbolçisi deb e'tirof etilgan.
