Qirg‘izistonning yana bir delegatsiyasi O‘zbekistonga rasmiy tashrif bilan keladi

Qirg‘iziston prezidenti Sooranbay Jeenbekov 14 dekabr kuni O‘zbekiston Oliy Majlisi Qonunchilik palatasi spikeri Nuriddinjon Ismoilov bilan uchrashuv chog‘ida Qirg‘iziston Jo‘qorg‘u Keneshi delegatsiyasining O‘zbekistonga 21 dekabr kuni amalga oshiriladigan tashrifi parlamentlararo aloqalarni mustahkamlashga turtki berishini ta'kidlab o‘tdi.

Sooranbay Jeenbekov bu yil mamlakatlar o‘rtasidagi munosabatlar tarixida tub burilish davriga aylanganini ta'kidladi hamda davlatlar o‘rtasidagi munosabatlarning bugungi holatini saqlab qolish va davom ettirish juda muhim ekanini qayd etdi.

Ta'kidlandiki, prezident Shavkat Mirziyoyevning Qirg‘izistonga davlat tashrifi chog‘ida imzolangan Parlamentlararo hamkorlik to‘g‘risidagi memorandum bu sohadagi aloqalarni rivojlantirishda muhim ahamiyatga ega.