Pokistondagi cherkovga hujum qilinishi oqibatida 8 kishi halok bo‘ldi  

17 dekabrda Pokistonning Belujiston viloyati poytaxti Kvetta shahridagi protestant cherkoviga qilingan hujum oqibatida kamida 8 kishi halok bo‘ldi, 57 kishi jarohat oldi. Bu haqda Geo TV telekanali xabar bermoqda.  

Ta'kidlanishicha, ko‘plab jarohatlanganlar og‘ir ahvolda, shu sababli qurbonlar soni oshishi mumkin. Hujum vaqtida cherkovda 400 ga yaqin odam bo‘lgan.

Dastlabki ma'lumotlarga ko‘ra, terrorchilardan biri cherkov ichida o‘zini portlatgan. Ikkinchi terrorchi xavfsizlik kuchlari bilan otishma vaqtida o‘ldirilgan.