Qoʻshimcha funksionallar
-
Tungi ko‘rinish
Qodirov Eron haqida gapirdi va AQShni ayblab chiqdi
Foto: TASS
Checheniston respublikasi rahbari Ramzon Qodirov Erondagi hodisalarga izoh berdi hamda AQShning bunga reaksiyasi haqida gapirdi. Bu haqda u o‘z telegramida yozgan.
Qodirovning ta'kidlashicha, Rossiya, yaqin qo‘shni sifatida, Erondagi tinchlik va barqarorlikdan manfaatdir, ularga qanday erishishni Eron hukumati hamda xalqi hal qilishi lozim. AQShning bu masala bo‘yicha pozitsiyasi esa Checheniston rahbarini qoniqtirmaydi.
«Prezident Donald Tramp Eron hukumatini mitingda ishtirok etayotganlarga Instagram va Telegram’dan foydalanish imkonini taqdim etishga «chaqirdi». Bunga «fuqarolarning o‘z fikrini erkin ifoda etishga bo‘lgan huquqlari hurmat qilinishi» lozimligi sabab qilib ko‘rsatildi. Shu bilan birga, u Eronni jahonda terrorizmning bosh homiysi, deb atashdan uyalmadi», - deya yozgan Qodirov.
Shu bilan birga, Checheniston rahbari «AQSh pozitsiyasidagi riyokorlikni» qayd etib o‘tgan.
«AQSh pozitsiyasidagi riyokorlik hammasidan o‘tib tushdi. Facebook o‘ylab topilgan sabablar bilan mening sahifalarimni bloklab qo‘yganida, rasmiy Vashington jim turibdi, bu hech qanday sababsiz qilinganiga qaramay, ro‘y berdi», - deya yozdi Qodirov.
Eronda g‘alayonlar to‘lqini
29 dekabr kuni Eronning turli shaharlarida inflatsiya, rahbariyat va katta xarajatlar talab qilayotgan tashqi siyosatga qarshi namoyishlar to‘lqini boshlandi.
Mavzuga oid
16:56
AQSh saylovlarida respublikachilar Kongressda ko‘pchilikni qo‘lga kiritdi
15:46
“Abadiy ximikatlar” yoshlarda buyrak shikastlanishiga olib kelishi mumkin - tadqiqot
15:42
Rossiyadan Venesuelagacha: tabiiy boyliklar bo‘yicha eng boy davlatlar
10:31