Ekvadorliklar prezidentning qayta saylanish huquqini cheklashdi

Ekvador fuqarolari referendumda istalgan davlat lavozimi, jumladan prezidentlikka cheklovlarsiz qayta saylanishga ruxsat beruvchi normani bekor qilish haqidagi tashabbusni qo‘llab-quvvatlashdi. Bundan yakshanba kuni e'lon qilingan dastlabki yakunlar darak bermoqda. 

Tashabbus uchun saylovchilarning 67,64 foizi ovoz bergan bo‘lsa, 32,36 foizi – qarshi. Mahalliy Televicentro telekanali ma'lumotlariga ko‘ra, gap ilgari surilgan taklif qo‘llab-quvvatlaganiga oid tendensiya haqida ketmoqda, biroq hisob-kitob jarayonida u o‘zgarishi ham mumkin. Referendumda saylovchilarning 74,8 foizi qatnashdi.

Ovoz beruvchilarga yettita turli savolga javob berish taklif etildi, ular asosiy qonunga tuzatishlar kiritishni nazarda tutadi. Ulardan birida shunday deyilgan: "Siz Ekvador Respublikasi konstitutsiyasiga hokimiyatning barcha vakillari bir lavozimga bir martadan ko‘proq saylana olmasligiga oid tuzatish kiritishni xohlaysizmi?". 

Ekvador prezidenti Lenin Morenoning fikricha, ushbu referendum yakunlari demokratiyaning g‘alabasidan darak beradi. U bu haqda yakshanba kuni aytib o‘tdi.

"Bugun demokratiya g‘alaba qozondi. "Ha" javobi g‘alabasi – bu mamlakat g‘alabasi. Bu referendum bizning umumiy ishga aylandi, u bizni yuraklarimiz bilan ovoz berishga majbur qildi", - dedi siyosatchi. "Barcha xalqimiz ovozini hurmat qilishga majbur va ushbu g‘alabani e'tiborga olgan holda harakat qilishi lozim", - deya qo‘shimcha qilib o‘tgan u.

Morenoning so‘zlariga ko‘ra, Ekvador Milliy assambleyasi (parlament) yaqin 30 kun ichida referendumda qabul qilingan tuzatishlarni konstitutsiyaga kiritadi.