Shimoliy koreyalik diplomat AQSh tomonidan ehtimoliy raketa zarbasi haqida ma'lum qildi

Shimoliy Koreya AQShni yarim oroldagi vaziyatni «katta yadroviy kuchlarni joylashtirish» bilan keskinlashtirish va shu orqali KXDRga qarshi ogohlantiruvchi raketa zarbasi berish imkoniyatini o‘rganib chiqishda aybladi. Bu haqda Reuters xabar bermoqda.

Koreyalik diplomat Chu Yon Chxol qurolsizlantirish bo‘yicha anjumanda ma'lum qilishicha, AQSh Shimoliy Koreyaga ogohlantiruvchi raketa zarbasini tayyorlamoqda. U AQShning mintaqadagi qurolli kuchlari sonidan kelib chiqib, shunday xulosaga kelgan.

«AQSh rasmiy shaxslari, jumladan mudofaa vaziri Jyeyms Mettis va MRB direktori Mayk Pompeo, Shimoliy Koreya tomonidan yadro hamda raketa zarbalari tahdidi haqida gapirib, ehtimoliy harbiy ssenariyni oqlab olishmoqchi», - deya ta'kidlab o‘tdi diplomat.