Afrinda Turkiya harbiy vertolyoti urib tushirildi

Afrindagi amaliyot davomida Turkiya harbiy vertolyoti urib tushirildi. Bu haqda Turkiya prezidenti Rajab Toyyib Erdo‘g‘an ma'lum qildi, deb xabar bermoqda Anadolu.

Davlat yetakchisi aybdorlar buning uchun «katta narx» to‘lashi haqida ma'lum qilgan.

Vertolyot Turkiyaning Suriya bilan chegara yaqinida joylashgan Xatay viloyatida osmoni uzra urib tushirilgan.

Turkiya prezidenti bu borada boshqa tafsilotlarni keltirmagan.

Eslatib o‘tamiz, avvalroq Turkiya tashqi ishlar vaziri Mavlud Chavusho‘g‘li mamlakat Afrindagi vaziyatni AQSh bilan muhokama qilmasligi haqida ma'lum qilgandi.