“Биз АҚШ элчихонаси ёнидаги Невзат Тандўған кўчасини “Зайтун шохи” кўчасига ўзгартириш бўйича тегишли таклифни тайёрладик. Бу кеча биз таклифни шаҳар кенгашига берамиз. Жафокашларимизнинг руҳлари шод бўлсин”, деб ёзган мэр.
Кўча АҚШ элчихонаси шимолий девори бўйлаб кетган ва узунлигни 400 метрни ташкил қилади. Кўчанинг қайта номланиши расмий сабаблари келтирилмаган, бироқ таклиф қилинаётган янги ном Анқара ва Вашингтоннинг Суриядаги операция сабабли муносабатларидаги кескинлик туфайли берилмоқда.
Hurriyet газетасининг маълум қилишича, бу қарор Туркия АҚШ Сурияда курд жангчиларига бераётган кўмагига норозилик билдириши билан боғланган.
Туркия 20 январдан бери Суриянинг Афринида курд қуролли тузилмалари – “Халқ мудофааси кучлари” ва “Демократик иттифоқ” отрядларига қарши ҳарбий амалиёт олиб бормоқда. Бу ерда 1,5 млн курд ва Суриянинг бошқа жойларидан келган қочқинлар яшайди.
