Tramp va Putin o‘rtasida telefon muloqoti bo‘lib o‘tdi

AQSh prezidenti Donald Tramp Rossiya prezidenti Vladimir Putin bilan telefon orqali muloqot qildi. 

«Men hozirgina Amerika qo‘shma shtatlari prezidenti janob Tramp bilan muloqot qildim», — degan Putin Falastin rahbari Maxmud Abbos bilan uchrashuv vaqtida.

Putin ushbu muloqotda Tramp bilan Falastin-Isroil masalasini muhokama qilgani haqida gapirgan.

«Undan sizga eng yaxshi tilaklarni yetkazaman», — degan Rossiya prezidenti.

O‘z navbatida, Donald Tramp Rossiya rahbariga Moskva viloyatida 11 fevral kuni An-148 samolyoti halokatga uchrashi munosabati bilan hamdardlik bildirgan.

«Saratov avialiniyalari»ga tegishli samolyot Moskvadan Orskka uchish vaqtida Podmoskoveda qulab tushdi. Uning bortidagi 71 kishining barchasi halok bo‘ldi.