Маълум қилинишича, япон компанияси 65 мингтага яқин Tundra моделидаги пикап ва Sequoia йўлтанламасларини қайтариб олишини эълон қилган. Бу машиналарда носозлик туфайли барқарорликни назорат қилиш электрон тизими ҳаракатланиш вақтида ўчиб қолиши мумкин.
Hyundai ҳам рул чамбари билан боғлиқ муаммо сабабли 44 мингта Santa Fe кроссоверини қайтариб олишини маълум қилган. У ишончли маҳкамланмаган ва рул колонкасидан ажралиб чиқиши мумкин.
Машиналар расман март ойидан қайтариб олина бошланади. Компанияларга ушбу носозликлар туфайли йўл-транспорт ҳодисалари юз берган-бермагани ҳақида ҳеч нарса маълум эмас. Таъкидланишича, барча носозликлар бепул бартараф этиб берилади.
