Andijonda nogiron ayolni do‘pposlagan shaxs ushlandi

Andijon viloyatining Marhamat tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 6 fevral kuni Marhamat tumanida yashovchi, 2-guruh nogironi bo‘lgan D.A. ismli ayolning uyiga noma'lum shaxs bostirib kirib, yuziga qo‘llari bilan urib, hech narsa ololmay voqea joyidan yashiringan. Natijada D.A. kasalxonaga yotqizilgan.  

Ko‘rilgan choralar natijasida ushbu jinoyatni Marhamat tumani Tulga MFY Buloq ko‘chasida yashovchi, 1987 yilda tug‘ilgan U.A. sodir etganligi aniqlanib ushlangan.