«Real» yolg‘iz emas. «Espanol» bu mavsumda boshqa grandlarni ham yengdi

Ispaniya chempionatining 26-turida «Espanol» o‘z maydonida «Real»ni yengdi — 1:0, g‘alaba goli o‘yinning 93-daqiqasida urildi.

E'tiborli jihati, joriy mavsumda «to‘tiqushlar» jamoasi Ispaniya Kubogi doirasida «Barselona»ni ham yenggan (1:0), shuningdek, chempionat o‘yinida «Atletiko»dan ustun kelgan (1:0). 

Shu tariqa, «Espanol» 1980/81 yilgi mavsumdagi natijasini takrorladi, o‘sha mavsumda ham jamoa Ispaniya chempionati yetakchilarining barchasini mag‘lubiyatga uchratgandi. Bundan tashqari, 1997/98 yilgi mavsumda bu jamoa ushbu 3 jamoaga o‘z uyida o‘tgan o‘yinlarda mag‘lub bo‘lmaslikni uddalagan.

Ayni vaqtda «Espanol» Ispaniya chempionatida 13-o‘rinda joylashgan.