Kanada AQShga savdo bo‘yicha tahdid qildi

Kanada TIV rahbari Xristya Frilandning ma'lum qilishicha, Kanada Amerika hukumati po‘lat va alyuminiyga import bojini joriy etmoqchi ekani tufayli javob choralarini ko‘rishga tayyor.

Bu haqda NBC Kanada tashqi siyosat idorasi rahbari bayonotiga asosan xabar bermoqda.

«Kanada bilan savdoni AQSh milliy xavfsizligiga tahdid sifatida baholash kerak emas… Kanadaning po‘lat va alyuminiydan bo‘lgan mahsulotiga istalgan cheklovlar joriy etilsa, mamlakat o‘z savdo manfaatlari hamda ishchilarini himoya qilish uchun javob choralarini ko‘radi», - deya ko‘rsatilgan hujjat matnida.

Bayonotda ta'kidlanishicha, Amerikaning cheklovlari «har ikki davlat» ishchilari va biznesiga zarar yetkazadi.

Eslatib o‘tamiz, avvalroq AQSh po‘lat va alyuminiy importiga boj joriy etayotgani xabar berilgandi.