Sharqiy G‘utadagi vaziyatga Rossiya javobgar – AQSh

AQShning fikricha, Rossiya Suriyaning Sharqiy G‘utasida sulhga amal qilinmayotgani uchun qisman javobgar. U yerda 100 kishi halok bo‘ldi, deb xabar bermoqda RIA «Novosti».

Bu haqda davlat departamenti rasmiy vakili Hizer Nauert brifingda ma'lum qilgan.

«O‘t ochishni to‘xtatish rejimi ishlamayapti, bunga qisman Rossiya javobgar. Rossiya o‘z xalqiga hujum qilayotgan Suriyani to‘xtatish uchun mas'uldir», - deya ma'lum qildi u.

Eslatib o‘tamiz, avvalroq Britaniya AQSh bilan birgalikda Suriyada aviazarbalar berishni boshlash imkoniyatini jiddiy tarzda ko‘rib chiqayotgani ma'lum qilingandi.