AQShga Rossiya va Xitoyning rejalari ma'lum - Pentagon

AQSh mudofaa vaziri o‘rinbosari Jon Rudning fikricha, Qo‘shma Shtatlarning raketalarga qarshi mudofaasi Rossiya va Xitoy strategik kuchlari hujumini qaytara olmaydi. Bu haqda RIA «Novosti» xabar qilmoqda.

«AQSh RQM tizimi ishlab chiqilgan va hozirgi paytga kelib joylashtirilgan holatiga ko‘ra, Rossiya yoki Xitoy strategik yadro arsenalini yo‘qqa chiqara olish imkoniyatiga ega emas», - deya aytib o‘tdi Rud.

Shuningdek uning ta'kidlashicha, AQShga Rossiya va Xitoyning yangi gipertovushli qurolni yaratish bo‘yicha rejalari juda yaxshi ma'lum.

Eslatib o‘tamiz, avvalroq Qo‘shma Shtatlar vitse-prezidenti Mayk Pens agarda Eron yadroviy kelishuvi qayta ko‘rib chiqilmasa, AQSh undan darhol chiqishi haqida ma'lum qilgandi.