Apple yangi mahsulotlar taqdimoti sanasini ma'lum qildi

Foto: Reuters

Apple WWDC 2018 – ishlab chiqaruvchilar uchun har yilgi konferensiya sanasini belgiladi. Unda kompaniya muntazam ravishda o‘zining yangi mahsulotlarini taqdim etib boradi, deb xabar qilmoqda TechRadar.

Hozircha Apple aynan nimaning taqdimotini o‘tkazishi noma'lum bo‘lib turibdi, biroq ekspertlar macOS, iOS, watchOS va tvOS operatsion tizimlarning yangi versiyalari chiqishini taxmin qilishmoqda. Bundan tashqari, Mac Pro hamda MacBook yangilangan modellari taqdimoti ham istisno etilmadi.

Eslatib o‘tamiz, avvalroq simsiz quvvatlantirish iPhone X akkumulyatorini tez ishdan chiqarishi xabar berilgandi.