13:06 / 14.03.2018
7112

Iran Air birinchi marta ayol uchuvchilarni ishga qabul qilmoqchi

Foto: IRNA

Eronning Iran Air aviakompaniyasi (Homa) birinchi marta ayol uchuvchilarni ishga yollashni rejalashtirmoqda. Bu haqda Iran Air bosh direktori Farzona Sharofbofiy aytib o‘tdi, deb xabar qilmoqda Iran.ru.

"Aviakompaniya yangi uchuvchilarni ishga yollash haqidagi vakansiyalar reklamasini har yil e'lon qiladi. Joriy yildagi reklamaning eng asosiy jihati – ayol uchuvchilarni yollash imkoniyati", - deya ma'lum qildi Sharofbofiy.

Ayni damda Iran Air’dagi besh nafar top-menejyer ayol kishidir, deya aytib o‘tdi u. Qo‘shimcha qilinishicha, rasmiy ma'lumotlarga ko‘ra, Homa’da taxminan 1780 nafar va aviatashuvchining filial kompaniyalari hamda agentliklarida taxminan 4000 ming ayol kishi ishlaydi.

Iran Air bosh direktorining so‘zlariga ko‘ra, Homa’da ishlayotgan ayollarning taxminan 16 foizi o‘rta sinfdagi amaldorlar tarkibiga kiradi.

"Biz uchun xodimlarimiz orasida ayol uchuvchilarning bo‘lishi juda muhim", - deya ta'kidlab o‘tdi Sharofbofiy.

Top