Skripalning zaharlanishiga Rossiya aloqadorligi bo‘yicha rad etib bo‘lmaydigan dalillar bor – Britaniya

Buyuk Britaniya GRU sobiq polkovnigi Sergey Skripal va uning qizi Yuliyaning zaharlanishi ortida Rossiya turganiga oid rad etib bo‘lmaydigan dalillarga ega. Bu haqda Britaniya TIV rahbari Boris Jonson ma'lum qildi.

«Qo‘rqamanki, bizda bu Rossiya ekaniga doir rad etib bo‘lmaydigan dalillar bor. Ruslarning istehzo aralash gapirayotgan gapi ham asosiy ayb ularda ekanidan dalolat beradi», - deya aytib o‘tdi u BBC efirida.

Eslatib o‘tamiz, avvalroq Kreml Rossiya Skripalning zaharlanishiga aloqador ekanini rad etgandi. Rossiya prezidenti matbuot kotibi Dmitriy Peskovning aytishicha, bu mavzu «Kreml masalasi emas», sababi Skripal Britaniya maxsus xizmatlaridan biriga ishlagan hamda Buyuk Britaniya hududida zaharlangan.