Kreml: London yoki dalillar taqdim etishga, yoki uzr so‘rashga majbur bo‘ladi

Rossiya prezidenti matbuot kotibi Dmitriy Peskovning ma'lum qilishicha, Kreml G‘arb bilan munosabatlar umuman olganda keskinlashgani haqida gapirishga moyil emas, sababi gap Buyuk Britaniya tomonidan asossiz tuhmatlar oqimi haqida ketyapti. Bu haqda RIA «Novosti» xabar berdi.

Uning so‘zlariga ko‘ra, London ertami yoki kech, baribir yoki dalillarni taqdim etish, yoki uzr so‘rashga majbur bo‘ladi.

«Men «G‘arb bilan munosabatlar keskinlashishi» haqidagi iborani qo‘llamoqchi emasman. Ushbu holatda gap tushuntirish umuman mushkul bo‘lgan, g‘alati sabablarga ega va Buyuk Britaniya, ushbu mamlakat rahbariyati tomonidan Rossiyaga nisbatan asossiz tuhmatlar oqimi haqida ketmoqda. Bizga Yevroatlantik birdamlik degan narsa ma'lum, biroq, yana bir bor qaytarmoqchiman, bu ayblovlar uchun ertami yoki kech, javob berishga to‘g‘ri keladi. Ularni yoki nima bilandir mustahkamlash, yoxud tegishli uzr keltirish lozim», - deya aytib o‘tdi Peskov.

Eslatib o‘tamiz, avvalroq qator OAV Britaniyada vafot etgan 14 rossiyalikning jasad qoldiqlari eksgumatsiya qilinishi mumkinligi haqida xabar bergandi.