Xitoy Xalq Respublikasi Davlat kengashi rahbari Li Ketsyanning ma'lum qilishicha, mamlakat Qo‘shma Shtatlar bilan savdo urushi boshlanishini istamaydi. Bu haqda Associated Press xabar bermoqda.
«Biz AQSh bilan savdo urushini xohlamaymiz», - deya uning so‘zlarini keltiradi agentlik.
Ketsyanning ta'kidlashicha, Xitoy muzokaralar jarayonidan umid qilmoqda.
Avvalroq OAV AQShda XXR mahsulotiga boj joriy etish bo‘yicha taklif ishlab chiqilayotgani haqida xabar bergandi. Dastlabki hisob-kitoblarga ko‘ra, ular tufayli Xitoyning AQShga importiga yetkaziladigan zarar yiliga 30 mlrd dollarni tashkil qilishi mumkin.