Sobchak Putindan 16 kishini afv etishni so‘radi

Kseniya Sobchak Rossiya prezidenti Vladimir Putinning mamlakat prezidentligi uchun saylovlar bo‘yicha raqiblari bilan uchrashuvida unga 16 kishini afv etish to‘g‘risida iltimosnoma taqdim etdi. Bu haqda Sobchakning saylovoldi shtabi matbuot xizmati xabar berdi.

"Sobchakning ro‘yxatida 16 familiya bor: Dmitriy Borisov, Stanislav Zimovets, Aleksandr Kolchenko, Vladimir Lapigin, Sergey Moxnatkin, Oleg Navalniy, Aleksandr Sokolov, Oleg Sentsov va boshqalar", - deyiladi xabarda.

Ta'kidlanishicha, prezident uning iltimosnomasini ko‘rib chiqishga va'da bergan.

Eslatib o‘tamiz, muxolifatchi Aleksey Navalniy va uning ukasi Oleg 2014 yilning dekabrida “Iv Roshe” kompaniyasidan 26 mln rubl hamda “Ko‘p profilli protsessing kompaniyasi”dan 4 milliondan ko‘proq rublni talon-toroj etgani uchun sudlandi. Kuchga kirgan hukmga ko‘ra, Aleksey Navalniy shartli ravishda uch yarim yil oldi, Oleg Navalniy esa – xuddi shunday muddatli, faqat haqiqiy qamoq tarzida.