Foto: Rossiya prezidenti matbuot xizmati
AQSh prezidenti Donald Tramp Rossiya yetakchisi Vladimir Putin bilan o‘zaro muloqot davomida Putinning Amerika mudofaasini chetlab o‘tishi mumkin bo‘lgan qurol ishlab chiqilayotgani haqidagi so‘zlaridan tashvishga tushganini bildirdi. Bu haqda The New York Times xabar bermoqda.
Trampning qo‘shimcha qilishicha, mamlakatlar o‘rtasidagi qurollanish poygasida keskinlikni pasaytirish tarafdoridir.
Avvalroq, AQSh qurolli kuchlarining strategik qo‘mondonligi raisi general Jon Hayten Qo‘shma Shtatlarda Rossiya hamda Xitoyning gipertovushli qurolidan hech qanday himoya yo‘q ekanini ma'lum qilgandi.
Bundan tashqari, Jon Hayten AQShning suvosti kemalari Rossiyani yo‘q qilib yubora olishi haqida aytib o‘tgandi.
