Loyan va Buxoro turizm bo‘yicha hamkorlikni kuchaytirmoqda

Foto: Kun.uz

Loyan va Buxoro birodar shaharlari vakillarining turizmni rivojlantirish masalasida uchrashuvi o‘tkazildi. Bu haqda Turizmni rivojlantirish davlat qo‘mitasi matbuot xizmati xabar bermoqda.

Qayd etilishicha, Xitoyning Loyan provinsiyasi turizmni rivojlantirish korporatsiyasi direktorining doimiy o‘rinbosari Chjao Tsin va boshqarish kotibi Xe Tszyan boshchiligidagi delegatsiya joriy yilning 10 mart kuni Buxoro viloyatiga tashrif buyurdi.

Tashrif davomida mehmonlar bilan ikki shahar o‘rtasida turizmni rivojlantirish maqsadida hamkorlikni yanada kuchaytirish va o‘zaro manfaatli sherikchilikni yo‘lga qo‘yish maqsadida 11 mart kuni Buxoro davlat universitetida Xitoy delegatsiyasi bilan viloyatning yirik turistik agentliklari va hamkor tashkilotlari vakillari o‘rtasida uchrashuv tashkil etildi.