Putin milliy motam haqidagi farmonni imzoladi

Rossiya prezidenti Vladimir Putin Kemerovoda ro‘y bergan fojia tufayli mamlakatda 28 mart kuni milliy motam e'lon qilish haqidagi farmonni imzoladi. Bu haqda Kreml matbuot xizmati xabar beryapti.

Matbuot xizmatiga ko‘ra, Putin Kemerovo oblastida yuz bergan yong‘in oqibatida ko‘plab odamlar halok bo‘lgani tufayli chorshanba, 28 mart kunini milliy motam sifatida e'lon qilish haqidagi farmonni imzolagan.

Eslatib o‘tamiz, Kemerovodagi “Qishki olcha” to‘rt qavatli savdo markazida yong‘in yakshanba kuni ro‘y berdi. 64 kishi, jumladan 41 nafar bola halok bo‘ldi. 

Avvalroq Putin Kemerovodagi fojianing asl sabablarini aytgandi.