O‘zbekiston va Qozog‘iston hayit bayramlarini bir sanada nishonlaydi

Qozog‘iston musulmonlari diniy boshqarmasi raisi Serikboy hoji O‘roz O‘zbekistonga uyushtirgan rasmiy tashrifi doirasida ikki mamlakatda diniy bayramlarga oid umumiy fatvo chiqarilganligi haqidagi hujjatga imzo qo‘ygan, deb xabar bermoqda «Kazinform» boshqarmadan olingan xabarga asoslanib.

Rasmiy tashrif davomida bosh muftiy Serikboy hoji Sotiboldio‘g‘li va O‘zbekiston musulmonlari diniy idorasi raisi Usmonxon hoji Alimovning ikki tomonlama uchrashuvi bo‘lib o‘tgan. Unda, jumladan, diniy bayramlar sanasini bir xillashtirish masalasi ham muhokama qilingan.

Ikki tomonlama uchrashuv yakunlariga oid memorandum imzolangan.

«Tomonlar diniy bayramlar (ramazon va qurbon hayitlari va boshq.)ni hijriy-qamariy yil, ya'ni musulmonlarning Oy taqimi bo‘yicha nishonlashga, shuningdek zamonaviy diniy masalalar bo‘yicha umumiy qarorlar va fatvolar qabul qilishga majbur ekanliklarini qayd etishdi», — deyiladi o‘zaro hamkorlik va sheriklik haqidagi memorandum matnida.

«Bungacha diniy bayramlar sanalariga doir farqlanishlar kuzatilib turilar edi. Biz bundan keyin bunday nuqsonlarga yo‘l qo‘ymaslik uchun o‘zaro hamkorlik va sheriklik haqidagi memorandumni imzoladik. Imzolangan memorandum doirasida umumiy fatvolar chiqariladi va bugungi kunning dolzarb masalalari bo‘yicha qarorlar birgalikda qabul qilinadi», — dedi bosh muftiy Serikboy hodi O‘roz O‘zbekiston ommaviy axborot vositalariga bergan intervyusida.

Memorandumga ko‘ra, ikki mamlakat fuqarolari har ikki davlat hududida joylashgan madaniy-tarixiy ahamiyatga ega muqaddas joylarni ziyorat etish imkoniyati yaratiladi.