Skripalning zaharlanishiga Britaniya maxsus xizmatlari aloqador bo‘lishi mumkin – Rossiya TIV

Rossiya TIVdan ma'lum qilishlaricha, London Rossiyaning aybini shakllantirish bo‘yicha kampaniyani ishga solmoqda. Bu haqda idora rasmiy saytida xabar berilgan.

Bayonotga ko‘ra, keskinlikni atayin oshirish, Rossiya chegaralari yaqinida o‘z kuchini ko‘rsatish aniq amalga oshirilyapti.

«Barcha holatlarning tahlili shundan darak beradiki, Britaniya hukumati Solsberida ro‘y bergan jinoyatga aslida nima sabab bo‘lgani va u kim tomonidan sodir etilganini aniqlashdan manfaatdor emas. Bu esa bizda Buyuk Britaniya maxsus xizmatlarining o‘zi ushbu jinoyatga aloqador bo‘lishi mumkinligiga doir taxminlar keltirib chiqarmoqda», - deyiladi xabarda.

Eslatib o‘tamiz, avvalroq Rossiya OAV Skripal jinoiy guruhga aloqador bo‘lgan bo‘lishi mumkin ekani haqida xabar bergandi.