Ekvador hukumati Assanjga internetga kirishni taqiqladi

Ekvador hukumati mamlakatning Londondagi elchixonasida xalaqit berish vositalarini o‘rnatdi. Bu ayni damda o‘sha yerda bo‘lib turgan WikiLeaks bosh muharriri Julian Assanj Kataloniya bilan bog‘liq vaziyat haqida xabarlar e'lon qila olmasligi maqsadida ro‘y berdi. Bu haqda RT WikiLeaks’ga yaqin bo‘lgan manbaga asosan xabar qilmoqda.

Tegishli choralar Ekvadorning El Comercio nashrida Assanjning nemis rasmiylari tomonidan Kataloniya jyeneraliteti sobiq prezidenti Karles Puchdemon hibsga olinishiga bo‘lgan reaksiyasi haqidagi maqola e'lon qilingach ko‘rildi. 

Shu bilan birga, Ekvador tashqi ishlar vaziri maslahatchisi Patrisio Ernandes telefon muloqoti davomida Assanjning himoyachisi Baltasar Garsondan WikiLeaks rahbari Twitter’da Kataloniya haqida xabarlarni e'lon qilishni to‘xtatishini talab qilgan. Shuningdek, u jurnalistning Puchdemon hibsga olinishiga bergan izohi bo‘lgan tvitni o‘chirib yuborishga chaqirgan.