Samarqand viloyatida “Obod qishloq”qa aylanadigan mahalla va qishloqlar ro‘yxati e'lon qilindi

O‘zbekiston Respublikasi Prezidentining 2018 yil 29 martdagi PF-5386-sonli «Obod qishloq» dasturi to‘g‘risida»gi Farmoni bilan tasdiqlangan, hamda Prezidentning 2018 yil 29 martdagi PQ-3630-sonli «Obod qishloq» dasturini 2018 yilda amalga oshirish bo‘yicha qo‘shimcha chora-tadbirlar to‘g‘risida»gi qarori bilan 2018 yilda mazkur dasturni amalga oshirish chora-tadbirlari belgilab berilgan edi.

Samarqand viloyat hokimligi matbuot xizmati Kun.uz tahririyatiga mazkur farmon va qaror bilan Samarqand viloyatida 2018 yilda «Obod qishloq» dasturi amalga oshiriladigan mahalla va qishloqlar ro‘yxatini taqdim etdi.

Ro‘yxatga ko‘ra, Samarqand va Kattaqo‘rg‘on shaharlari va viloyatining 14 ta tumanida ikkitadan, 104 ming 113 nafar aholi istiqomat qiladigan, 17565 ta xonadonni qamrab olgan jami 32 ta mahalla va qishloqlar obodonlashtiriladi.