Yangi qaror: Quyi Chirchiq tumanida “Baliq ishlab chiqaruvchi” EIZ tashkil etiladi

birinchi navbatda, aholi ehtiyojlarini qondirish, shuningdek, keyinchalik qo‘shni mamlakatlarga eksport qilish uchun baliqlarni qayta ishlash va baliq mahsulotlarini ishlab chiqarish (konserva, ikra, baliq uni va boshqalar) bo‘yicha zamonaviy komplekslarni tashkil etish; 

suvning gidrokimyoviy tarkibini laboratoriya usulida tahlil qilish, baliqlarni kasalliklardan himoya qilish, shuningdek, baliq kasalliklarini aniqlash, ularni davolash choralarini ko‘rish; 

baliq yetishtirish, ovlash va qayta ishlash jarayonida innovatsion g‘oyalar, texnologiyalar va ishlanmalarni joriy etish bo‘yicha ilmiy-tadqiqot ishlarini, shuningdek, mutaxassislik yo‘nalishi bo‘yicha tahsil oluvchi ta'lim muassasalari talabalari uchun baliqchilik tarmog‘ida amaliyot o‘tashni tashkil etish. 

O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi Toshkent viloyati hokimligi va “O‘zbekbaliqsanoat” uyushmasi bilan birgalikda bir oy muddatda “Baliq ishlab chiqaruvchi” EIZ tarkibidagi yer uchastkalarining chegaralarini aniq belgilaydi. 

Belgilab qo‘yilishicha:

“Baliq ishlab chiqaruvchi” EIZning faoliyat ko‘rsatish muddati keyinchalik uzaytirish imkoniyati bilan 30 yilni tashkil qiladi; 

faoliyat ko‘rsatish muddati mobaynida “Baliq ishlab chiqaruvchi” EIZ hududida alohida soliq, bojxona va valyuta rejimlari amal qiladi; 

“Baliq ishlab chiqaruvchi” EIZning faoliyati Erkin iqtisodiy zonalar va kichik sanoat zonalari ma'muriy kengashlarining faoliyatini muvofiqlashtirish bo‘yicha Respublika kengashi tomonidan muvofiqlashtiriladi; 

“Baliq ishlab chiqaruvchi” EIZning operativ boshqaruv organi Direktsiya hisoblanadi; 

Direktsiyaning faoliyatidan tushgan daromadlar va qonun hujjatlari bilan taqiqlanmagan boshqa manbalar uning faoliyatini moliyalashtirish manbalari hisoblanadi;

Direktsiyani “O‘zbekbaliqsanoat” uyushmasi raisi tomonidan O‘zbekiston Respublikasi Vazirlar Mahkamasi bilan kelishilgan holda lavozimga tayinlanadigan va lavozimdan ozod etiladigan direktor boshqaradi; 

Direktsiya Erkin iqtisodiy zonalar va kichik sanoat zonalari ma'muriy kengashlarining faoliyatini muvofiqlashtirish bo‘yicha Respublika kengashi qarorlari va “Baliq ishlab chiqaruvchi” EIZ tomonidan ishlab chiqilgan bosh rejalari bo‘yicha ma'qullangan investitsiya loyihalarini joylashtiradi va “yagona darcha” tamoyili bo‘yicha muhandislik-telekommunikatsiya infratuzilmasi tarmoqlariga ulanishga barcha zarur ruxsatnomalar berilishini tashkil qiladi. 

Direktsiya butun faoliyat ko‘rsatish davrida soliqlar va davlat maqsadli jamg‘armalariga majburiy ajratmalar to‘lashdan ozod qilinadi. 

Toshkent viloyati hokimligi bir oy muddatda Quyi Chirchiq tumani hokimligiga sud qarori bilan berilgan mol-mulk, yer uchastkalari, shu jumladan, suv havzalarining Direktsiyaga topshirilishini ta'minlaydi. 

O‘zbekiston Respublikasi Vazirlar Mahkamasi bir oy muddatda Direktsiya faoliyatini tashkil etish to‘g‘risida qaror qabul qiladi. 

Baliqchilik tarmog‘ini rivojlantirish maqsadida O‘zbekiston Respublikasi O‘rmon xo‘jaligi davlat qo‘mitasi balansida bo‘lgan tabiiy suv havzalari doimiy ravishda alohida foydalanish uchun “O‘zbekbaliqsanoat” uyushmasiga berildi. 

O‘zbekiston Respublikasi Vazirlar Mahkamasi: 

Qishloq xo‘jaligi vazirligi faoliyatini tashkil etish to‘g‘risidagi qaror loyihasini kiritishda vazirlik markaziy apparati tuzilmasi tarkibida 5 nafar shtat birligidan kam bo‘lmagan Baliqchilikni rivojlantirish boshqarmasi tashkil etish, shu jumladan, ushbu boshqarmaga “O‘zbekbaliqsanoat” uyushmasining oldiga qo‘yilgan vazifalarni amalga oshirishda har tomonlama ko‘maklashish vazifasini yuklashni nazarda tutadi; 

2018/2019 o‘quv yilidan boshlab O‘zbekiston Respublikasi oliy ta'lim muassasalarida baliqchilik sohasi yo‘nalishlarida bakalavrlarni tayyorlash bo‘yicha qabul kvotasini kamida ikki baravar oshirishni ko‘zda tutadi; 

Toshkent davlat agrar universitetida 2018/2019 o‘quv yilidan boshlab “Baliqchilik” yo‘nalishi bo‘yicha kamida 6 nafardan iborat magistratura kursini tashkil etadi.