Asli o‘zbekistonlik IShID yetakchisi Afg‘onistonda o‘ldirildi

Dushanba kuni​ AQSh harbiy mahkamasi Afg‘oniston shimolida o‘rnashib olgan IShID yetakchisi o‘ldirilgani haqida ma'lumot tarqatdi. «Tolibon» harakati vakillari Shimoliy Afg‘onistondagi Darzob hududini tashlab ketganidan so‘ng, IShID va hukumat o‘rtasida to‘qnashuvlar bir yil davomida yakunlanmay qolyapti.

Washingtonpost nashrining xabar berishicha, AQSh Mudofaa vazirligi Matbuot kotibi Liza Garsiya payshanba kuni Qori Hikmatulloh va uning safdoshlari zararsizlantirilgani, so‘ngra o‘ldirilgani haqidagi xabarni tasdiqladi.

Afg‘on rasmiylari tarqatgan xabarga ko‘ra, Qori Hikmatulloh O‘zbekistonda tug‘ilgan bo‘lib, asli juzjonlik yigit ko‘p yillar davomida «Tolibon» harakati safida xizmat qilgan.

Liza Garsiya bergan bayonotga ko‘ra, Hikmatulloh «sadoqatdan ayro bo‘lib» kelgan. Avvaliga, «O‘zbekiston islom harakati» yetakchisi sifatida tanilgan, keyinroq «Tolibon» harakatiga qo‘shilgan Hikmatulloh IShID bilan hamkorlikni boshlagandi.

AQSh harbiy kuchlarining rasmiy vakilining ta'kidlashicha, Hikmatulloh egallab kelgan mansab asli kelib chiqishi o‘zbekistonlik bo‘lgan Mavlavi Habibul Rahmon qo‘liga o‘tishi mumkin.