Qirg‘izistonlik deputatlar bosh prokuror iste'fosi uchun ovoz berishdi

Qirg‘iziston parlamenti mamlakat bosh prokurori Indira Joldubayeva iste'foga chiqishini qo‘llab-quvvatlashmoqda.

Biroz avvalroq mamlakat prezidenti Sooronbay Jeenbekov parlamentga bosh prokuror iste'fosi bo‘yicha taqdimnoma kiritgandi.

Respublika konstitutsiyasiga ko‘ra, bosh prokurorni lavozimdan ozod etish uchun bu qarorni Jo‘qorg‘i Kenesh deputatlarining kamida yarmi ma'qullashi kerak bo‘ladi. Ya'ni, agar deputatlarning 60 nafari bu iste'foga rozilik bildirsa, Indira Joldibayeva lavozimini tark etishi belgilab qo‘yilgandi.

Uning iste'fosi uchun 105 nafar deputat ovoz bergan, 2 kishi qarshi chiqqan.