Foto: RIA "Novosti"
Rossiya prezidenti Vladimir Putinning inauguratsiyasi 7 may kuni bo‘lib o‘tadi. Bu haqda mamlakat bosh vaziri Dmitriy Medvedev Davlat dumasida hukumat faoliyati to‘g‘risidagi hisobot bilan chiqish qilib aytib o‘tdi, deb xabar bermoqda Gazeta.ru.
Uning so‘zlariga ko‘ra, o‘sha kuni hukumat rasman iste'foga chiqadi.
«7 may kuni, inauguratsiyadan so‘ng, hukumat Konstitutsiyaga muvofiq o‘z vakolatlarini topshiradi», - deya aytib o‘tdi Medvedev.
Keyinchalik Rossiya prezidenti matbuot kotibi Dmitriy Peskov Putinning inauguratsiyasi 7 may kuni bo‘lib o‘tishini tasdiqladi, deb xabar qilmoqda RIA «Novosti».
Vladimir Putin 18 mart kuni bo‘lib o‘tgan prezidentlik saylovlarida 76,69 foiz ovoz to‘plab, g‘alaba qozondi.
