Sirdaryoda xotinini o‘ldirib, jasadini suvga tashlab yuborgan shaxs ushlandi

Sirdaryo viloyatining Mirzaobod tumanida mudhish qotillik ro‘y berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 28 mart kuni bedarak yo‘qolib qidiruvda bo‘lgan 1992 yilda tug‘ilgan Sh.S. 5 aprel kuni soat 15.40larda, “Haqiqat” MFY hududidan oqib o‘tuvchi “Markaziy Mirzacho‘l” zovuridan bel qismiga arqon bilan beton bo‘lagi bog‘langan holdagi jasad  topilgan.

Ko‘rilgan choralar natijasida ushbu jinoyatni marhuma Sh.S.ning turmush o‘rtog‘i, Mirzaobod tumani “Haqiqat” MFY Baxt ko‘chasida yashovchi, 1989 yilda tug‘ilgan B.Q. sodir etganligi aniqlanib qo‘lga olingan.