Bashar Asad bayonot berdi

Suriya prezidenti Bashar Asad AQSh, Britaniya va Fransiya tomonidan berilgan raketa zarbalaridan so‘ng ilk bayonot bilan chiqdi, deb xabar qilmoqda Reuters.

Uning so‘zlariga ko‘ra, bu hujum Suriya xalqining terrorizm bilan kurashdagi birdamligini faqatgina kuchaytiradi.

Turli xabarlarga ko‘ra, Damashq aholisi AQSh, Britaniya va Fransiyaning Suriya hududiga qarata berilgan zarbalaridan so‘ng ko‘chalarga chiqqan. Ular bayroqlarni ko‘tarib olgan va Suriya armiyasi, hukumat hamda prezident Bashar Asadni qo‘llab-quvvatlovchi shiorlarni hayqirishgan.

Eslatib o‘tamiz, avvalroq Suriyaga zarbalar berilganidan so‘ng Asad tasvirlangan ilk video e'lon qilingandi.