Putin: Rossiya BMT Xavfsizlik Kengashining favqulodda yig‘ilishini chaqirmoqda

Foto: kremlin.ru

Rossiya prezidenti Vladimir Putinning ma'lum qilishicha, Rossiya BMT Xavfsizlik Kengashining favqulodda yig‘ilishini chaqirmoqda. Unda AQSh va uning ittifoqchilarining Suriyadagi xatti-harakatlari muhokama qilinadi, deb xabar berdi Kreml sayti.

«Rossiya BMT Xavfsizlik Kengashining favqulodda yig‘ilishini chaqirmoqda, unda AQSh va uning ittifoqchilarining tajovuzkor harakatlari muhokama qilinadi», - deyiladi Putinning bayonotida.

Eslatib o‘tamiz, avvalroq Rossiya prezidenti Vladimir Putin AQSh o‘z ittifoqchilari bilan Suriyadagi harbiy va fuqarolik obektlariga BMT Xavfsizlik Kengashi sanksiyasisiz aviazarbalar berib, BMT nizomi va xalqaro huquq normalarini buzgani haqida ma'lum qilgandi.