Dunyoning eng kuchli armiyalari reytingi e'lon qilindi: O‘zbekiston yuqoriladi

2018 yilning eng qudratli armiyalari reytingi (Military Strength Ranking) e'lon qilindi. O‘zbekiston ushbu reytingda o‘tgan yilga nisbatan to‘qqiz pog‘ona yuqoriga ko‘tarilib, 39-o‘ringa munosib ko‘rildi. Globalfirepower saytida taqdim etilgan jadval shundan dalolat bermoqda. 

Military Strength Ranking'da AQSh, Rossiya va Xitoy mamlakatlari yetakchilik qilmoqda. 

MDH mamlakatlari orasida Ukraina 29-o‘rinda, O‘zbekiston 39-o‘rinda, Belarus 41-o‘rinda, Qozog‘iston 50-o‘rinda, Ozarboyjon 53-o‘rinda, Turkmaniston 80-o‘rinda, Qirg‘iziston 91-o‘rinda, Tojikiston 96-o‘rinda qayd etilgan. 

Reytingda jami 136 mamlakat nomi keltirilgan bo‘lib, 2018 yilda unga Irlandiya, Montenegro va Liberiya qo‘shilgan. 

Manbada qayd etilishicha, O‘zbekistonning yillik harbiy byudjyeti 70 million dollarni tashkil qiladi.