Deputatlar Sapar Isakovga parlamentda chiqish qilishga yo‘l qo‘yishmadi

Qirg‘iziston bosh vaziri vazifasini bajaruvchisi Sapar Isakov deputatlar oldida chiqish qilishni so‘radi. Bu haqda hukumat matbuot xizmati xabarida aytilgan.

Payshanba kuni Jogorku Kenesh Vazirlar Mahkamasiga ishonchsizlik votumi bildirdi. Prezident hukumatni iste'foga chiqarish haqidagi farmonini imzolab bo‘lgan.

Isakov parlament spikeri Dostonbek Jumabekovga xalq deputatlari qarshisida murojaat bilan chiqishni so‘rab xat yo‘llagan.

Manbaning aytishicha, Isakovga bosh vazir sifatidagi oxirgi so‘zlarini aytishga imkon berishmagan.

Ayni vaqtda parlament yig‘ilishi o‘tkazilmoqda, Sapar Isakov unda qatnashmayapti.