10:15 / 19.04.2018
11102

Toshkentda “Kobalt” simyog‘ochga kelib urildi, 13 yoshli o‘smir hayotdan ko‘z yumdi 

Illyustrativ foto/unn.com.ua

Toshkent shahrining Mirobod tumanida o‘lim bilan yakun topgan yo‘l-transport hodisasi yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 17 aprel kuni soat 21.05larda, Sergeli tumani Qo‘shqo‘rg‘on ko‘chasida yashovchi, 1999 y.t. S.Z. ishonch qog‘ozi bilan boshqaruvidagi “Kobalt” rusumli avtomashinasini Nukus ko‘chasi 100-uy oldida haydab ketayotib boshqaruvni eplay olmay yo‘l chetidagi simyog‘ochga urilib to‘qnashuv sodir etgan.

Natijada avtomashina haydovchisi S.Z. va uning ikki nafar yo‘lovchisi, jarohat olib kasalxonaga yotqizilgan hamda yana bir yo‘lovchi, 2005 y.t. Yo.Z. jarohat olib kasalxonaga keltirilganida vafot etgan.

Top