Buyuk Britaniya tashqi ishlar vaziri Boris Jonson o‘zining ukrainalik hamkasbi Pavel Klimkin bilan uchrashdi, deb xabar qilmoqda «Ukrinform».
«Biz strategik kommunikatsiyalar va boshqa masalalar bo‘yicha hamkorligimizni kengaytirish haqida gaplashdik», - deya aytib o‘tgan Klimkin.
Shuningdek uning ta'kidlashicha, uchrashuv davomida Rossiyadan chiqarib yuborilgan britaniyalik diplomatlarni Ukraina hududida joylashtirish imkoniyati muhokama qilindi.
«Men Boris bilan bu mavzuda gaplashdim, biroq buni qanday qilib yaxshiroq qilish va gap necha nafar shaxs haqida ketayotgani bo‘yicha detallarni hali muvofiqlashtirib olishimiz darkor», - deya xabar berdi Ukraina TIV rahbari.
U Jonson bilan uchrashuvi yakunlari bo‘yicha shu haqda aytib o‘tdi.
Eslatib o‘tamiz, avvalroq Tramp Yevropa davlatlaridan chiqarib yuborilgan rossiyalik diplomatlar sonini eshitgach g‘azabga mingani ma'lum qilingandi.
