AQShda 4 kishini otib tashlagan jinoyatchi ushlandi

AQShning Neshvill shahri (Tennesi shtati) politsiyasi Waffle House restoranida 4 kishining o‘ldirilishida gumon qilingan Trevis Reynkingni qo‘lga oldi.

22 aprelga o‘tar kechasi Neshvill chekkasida joylashgan restoranga miltiq bilan qurollangan erkak bostirib kirib, u yerdagi odamlarni o‘qqa tutgan. Hujum oqibatida 4 kishi halok bo‘lgan va 2 kishi yaralangan.  

Politsiya ushbu qotillikni sodir etishda Morton shahridan (Illinoys shtati) bo‘lgan 29 yoshli Reynkingni gumon qila boshlagan. Ta'kidlanishicha, u ehtimol ruhiy xastalikka ega bo‘lishi mumkin. Reynkingni qo‘lga olish uchun bir kundan ko‘proq vaqt ketgan.