Kreml: Armanistonni Ukraina bilan taqqoslash mantiqsizlik

Rossiya prezidenti matbuot kotibi Dmitriy Peskovning ma'lum qilishicha, Kremlda Armanistonda ro‘y berayotgan hodisalarni Ukraina bilan taqqoslashmagan bo‘lardi, sababi vaziyat umuman har xil. Bu haqda RIA «Novosti» xabar qilmoqda.

«Men o‘xshatmagan bo‘lardim, sababi vaziyat umuman boshqacha. Bu yerda to‘g‘ridan-to‘g‘ri o‘xshatishga hojat ham yo‘q. Albatta, vaziyatni tahlil qilish lozim, hamda yana bir marta qaytaraman: biz uni juda diqqatlik bilan kuzatib bormoqdamiz. Biroq hozir shuni aytishim mumkinki, Ukraina bilan qandaydir o‘xshatishlarni qilish bu yerda umuman mantiqsizlik», - deya aytib o‘tdi Peskov.

Eslatib o‘tamiz, avvalroq Armaniston mudofaa vaziri Yerevanga armiya kiritilishi mumkin ekani haqida bayonot bergandi.