«Qirchumoli kabi». Taniqli sharhlovchi Rossiyani ikkinchi darajali davlat deb atadi

Bloomberg sharhlovchisi Ilan Leykning ma'lum qilishicha, Rossiyani ikkinchi darajali mamlakat sifatida qabul qilish kerak. Bu haqda nashr saytida xabar beriladi.

Uning so‘zlariga ko‘ra, Rossiya xalqaro tashkilotlarni «xuddi qirchumoli kabi» fitnaga undamoqda va obro‘sizlantirmoqda.

«Buni BMT Xavfsizlik kengashida kuzatish mumkin, bu yerda Rossiya vetosi Suriya diktatorini kimyoviy qurol qo‘llagani uchun javobgarlikdan himoya qilib qoldi», - deya ta'kidlab o‘tdi Leyk.

Uning, shuningdek, qo‘shimcha qilishicha, G‘arb Rossiyani xalqaro huquqqa rioya etishni ta'minlash bilan bog‘liq komissiyalar, ishchi guruhlar hamda qo‘mitalardan «haydab chiqarishi» kerak.

Eslatib o‘tamiz, avvalroq Pentagon rahbari Rossiyaga Suriya bo‘yicha chaqiriq bilan chiqqandi.