Medvedev Obamani Rossiyaga taklif qildi

Rossiya bosh vaziri Dmitriy Medvedev AQSh sobiq prezidenti Barak Obamani Rossiyaga kelishga va «bo‘laklarga bo‘lib tashlangan» Rossiya iqtisodiyotini ko‘rib ketishga taklif qildi. Bu haqda RF vazirlar mahkamasi saytida xabar berilgan.

«Barak Obama bizga kelishni xohlamayapti. U bizga iqtisodiyotimiz bo‘laklarga bo‘linib tashlashi haqida va'da bergandi. Kelsin, bu bo‘laklarni ko‘rib ketsin», - dedi Medvedev.

Shuningdek uning ta'kidlashicha, Rossiya o‘ziga qarshi joriy etiluvchi sanksiyalarga reaksiya bildirish vositalarini ishlab chiqdi hamda stress-testdan o‘tdi.

«Biz bunga bardosh berdik. Iqtisodiyot tirik, ijtimoiy soha rivojlanyapti», - degan Medvedev.

Eslatib o‘tamiz, avvalroq Rossiya barbod bo‘lishi taxmin qilingani xabar berilgandi.