Rossiyaning Su-27 qiruvchisi «NATOni qo‘rqitmoqda». Bu haqda Amerikaning National Interest jurnali xabar berdi.
Nashr qiruvchining tarixi haqida ma'lumot bergan. Su-27 (NATO klassifikatsiyasi bo‘yicha - Flanker) Amerikaning F-15 qiruvchisi imkoniyatlari hisobga olingan holda ishlab chiqilgan.
«Garchi Su-27 havoda ustunlikni qo‘lga kiritish uchun loyihalashtirilgan bo‘lsa-da, u tutib olishlar yoki yer ustiga zarbalar berish uchun juda qulay ekanini ko‘rsatdi», - deya ta'kidlab o‘tgan maqola muallifi.
Jurnal qiruvchining o‘ziga xos jihatlariga e'tibor qaratgan, u 2,35 Max tezligiga chiqishi mumkin. Su-27 o‘zida sakkiztagacha havo hujumidan raketa yoki bombalar va raketalar to‘plamini olib yurishi mumkin.
Maqola muallifining qayd etishicha, qiruvchi butun boshli modifikatsiyalar oilasini yaratdi, ular asosan eksportga yuborilmoqda.