Mahmud Abbos Falastinni ozod qilish tashkiloti rahbari etib qayta saylandi

Falastin prezidenti Mahmud Abbos Falastinni ozod qilish tashkiloti ijroiya qo‘mitasi raisi etib rasman qayta saylandi. Bu haqda Reuters xabar berdi.

Xabarda aytilishicha, Abbos Ramallohda to‘rt kun davom etgan Falastin milliy kengashi uchrashuvi yakunlari bo‘yicha tashkilot ijroiya qo‘mitasi raisi etib qayta tayinlandi. Shuningdek, uchrashuv davomida tashkilotdagi oliy organ hisoblanuvchi qo‘mitaning boshqa a'zolari ham tayinlangan. 

Eslatib o‘tamiz, avvalroq  Falastin yetakchisi Mahmud Abbos Qo‘shma Shtatlarning Isroildagi elchisini Iordan g‘arbiy sohilidagi yahudiylar turar-joylarini qo‘llab-quvvatlagani uchun «it bolasi» deb atagandi.