Braziliyalik Martsio Matolias Rio-de-Janeyro plyajida qumdan o‘ziga “qasr” qurib, unda 22 yildan beri yashab kelmoqda, deb xabar berdi Quartz portali.
Ta'kidlanishicha, Matolias har doim dengiz bo‘yida yashashni orzu qilgan, biroq u yerdan kvartira sotib olishga puli bo‘lmagan. Shunda u o‘ziga qumdan uy qurishga qaror qilgan. Buning uchun unga na yer, na qurilish materiallari sotib olishiga to‘g‘ri kelgan.
Mahalliy aholi erkakka “plyaj qiroli” deb nom bergan. Qum qasri ichida 44 yoshli Matolias kutubxona va kitoblar do‘koni ochgan va ulardan olingan daromadga kun kechiradi. Bundan tashqari, shahar meriyasi braziliyalikka mahalliy festivallar uchun qum haykallari qurishni taklif qilgan.
