Endi Toshkentda qurilayotgan barcha obektlar haqida atroflicha ma'lumot beriladi

Toshkent shahar hokimligining buyrug‘i asosida endi poytaxtda qurilish, rekonstruksiya, kapital ta'mir va obodonlashtirish ishlari olib borilayotgan barcha obektlar atrofi yagona standartlardagi oq banner bilan o‘ralgan holda, unda amalga oshirilayotgan ishlar haqida atroflicha ma'lumot keltiriladi. Bu haqda Toshkent shahar hokimligi axborot xizmati xabar berdi.

Ya'ni qanday obekt, nomi nima, loyihasi, maydoni qanday, bino va inshootlar qanaqa ko‘rinishda bo‘ladi, bunyodkorlik qachon boshlangan va ishlar qanchada yakun topishi haqida ma'lumot taqdim etiladi. 

Qayd etilishicha, bu bilan birinchi navbatda turli obektlarni istalgancha to‘siqlar bilan o‘rashning oldi olinadi, ikkinchi jihatdan shahardagi o‘zgarish va yangilanishlardan poytaxt ahli va mehmonlarni xabardor qilishga erishiladi.