Toshkent viloyatida 13 may kungi kuchli yomg‘irda qator xonadonlarga suv toshib kirdi

2018 yil 13 may kuni soat 16.20dan 17.45gacha bo‘lgan vaqt oralig‘ida Toshkent viloyati hududida qisqa muddatli kuchli yomg‘ir yog‘ishi kuzatildi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada viloyatning Toshkent tumani “Chig‘atoy” MFY, Zaxariq ko‘chalarida, Parkent tumani “Qoraqalpoq” QFY ko‘chalarida, Yuqorichirchiq tumani “Jumabozor” MFY ko‘chalarida, O‘rtachirchiq tumani “Sholikor” MFY hududidagi Fidoyilar, Tanovor, Olmos ko‘chalarida ichki sug‘orish ariqlariga yomg‘ir yog‘ishi tufayli shoh-shabbalar yig‘ilib qolishi natijasida bir nechta xonadon hovlilarga suv toshib kirgan va ko‘rilgan choralar natijasida, xonadonlarda suv toshqini oldi olingan. 

Aholi va fuqarolarning uy-joylariga talafot yetmagan. Jarohat olganlar yo‘q.