Britaniya hukumati Yevropaga 2021 yildan so‘ng YeI bojxona ittifoqi a'zosi bo‘lib qolishga tayyor ekanini xabar berish niyatida. Bu Buyuk Britaniyaning Yevropa hamjamiyatidan chiqishi bo‘yicha kelishuv doirasida amalga oshiriladi, deb yozmoqda The Telegraph.
Nashrdan xabar qilishlaricha, seshanba, 15 may kuni, mamlakat bosh vaziri Tereza Mey boshchiligidagi vazirlar mahkamasi Brexit to‘g‘risidagi kelishuv bo‘yicha yangi rejani ma'qulladi. Ta'kidlanishicha, u Birlashgan Qirollikning Yevropa ittifoqidan chiqqanidan keyin Irlandiya hamda Shimoliy Irlandiya o‘rtasida to‘laqonli chegara o‘rnatishdan qochishda yordam beradi. Gazeta manbalarining qayd etishicha, reja qat'iy vaqt cheklovlarini nazarda tutadi.
Ta'kidlanishicha, hukumat qo‘mitasi vakillari shunday kelishuvga erishishganki, bunda agarda Buyuk Britaniya Yevropa ittifoqida qolsa, chegarada texnologik murakkab tizimlar o‘rnatilmaydi. Avvalroq, amaldorlar ularni o‘rnatish 2023 yilga qadar cho‘zilib ketishi mumkinligi haqida ogohlantirishgandi.
